阿蟹點滴
阿蟹點滴現遷往
，多謝各位關心。新年快樂。
蟹 2006年1月30日
8/1細佬結婚開心到嘔，9/1阿哥在家不斷咁嘔..........
蟹 2006年1月9日
蟹 2006年1月2日
老婆執筆之時，我已默默趕工……靈感來自三國無雙的孫策……
蟹 2006年1月3日
蟹 2005年12月4日
今天收到 Nike 10km 的成績通知﹕個人時間﹕52:33
總名次﹕2075／5340名
下個目標﹕下年二月的渣打全馬，今次不容再上巴士﹗﹗
蟹 2005年11月21日
19/11剛完成了8小時的突破逆旅先鋒，接著20/11又是Nike 10 KM 挑戰賽。最終以52分鐘完成，雖不是自己的最好時間，但總算對自己有所交代。突然間，我有所頓悟……模型路上、長跑路上，都是一模一樣。都是在重覆的步伐中，找尋自己的樂趣。
蟹 2005年11月20日
自從2005年7月16日做了人家老公之後，三十有一的我，童年夢想應該告一段落吧，代之而起的暫叫中童夢想吧(按﹕21/11/05已改名為阿蟹點滴)，但實際係咩夢......唔知喎，希望唔好夢遺啦(即夢想遺失了)
在童年夢夢醒的時候，有一件事我知道了，那就是我的專放自己模型的空間被人瓜分了.........
(左﹕16/7之前；右﹕16/7之後)
親愛的的朋友們，你們能找出以上兩幅圖畫有什麼不同之處嗎？
讓我介紹那已割讓的空間吧﹕
空間一﹕姆明、幾米空間
空間二﹕胡桃鉗子空間
尚好，我仍然能找到一處城市中的綠洲.......我的AV空間。(不要說什麼是AV呀﹗﹗)
蟹 2005年10月18日
我的童年夢想是要擁有一個專放自己模型的空間，27歲的時候終於有了。
自己砌模型的速度，簡直比一部286的電腦還要慢，櫃上層的PG高達及紅彗星，差不多用了年半的時間來完成﹗﹗(當然有許多因素，要返工、在家又冇位放工具、噴油又被家人投訴、又要打機••••••)咁多藉口，點會唔慢喎﹗
所以之前我有好多Gundam Fix、可動戰士，貪佢快靚正。但諗下諗下，咁同放啲銀紙係個櫃冇咩分別，有錢啲Figure就型啲、靚啲。可惜我長期糧尾，我個女......
(又關我事？﹗)就快要賣身葬父，又邊有錢狂買Gundam
Fix吖。
好彩，近年工作性質變了，多點時間、多點空間。買盒HGUC砌、連油連盛，計落都平過Gundam Fix，所以又再拿起噴槍，重拾砌模型的樂趣。然而，獨樂樂，不如眾樂樂。砌好咗的模型，不理好醜，都拿出來獻世啦﹗自賞之餘，都有警世作用——(嘩﹗條友砌得咁核突，都夠薑擺上網。我都砌番件，以正視聽，叫人知道咩叫做模型。)就係咁，相信又會多幾個高手出山。
蟹 2005年2月6日
